राइपुर:छत्तीसगढ़ी भाखा के बिकास अउ रोज़गार के साधन, आदि जम्मो मांग ला लेके एम ए छत्तीसगढ़ी छात्र संगठन के प्रतिनिधि मंडल हर दुरुग सांसद विजय बघेल जी ले भेंट – मुलाकात करिन, जेमा संगठन अपन जम्मों मांग ला रखिन अउ सार्थक रूप ले बात-चीत होईन ।
जेमा प्रमुख बिसय संवैधानिक रूप ले आठवीं अनुसूची मा छत्तीसगढ़ी, छत्तीसगढ़ मा आगामी सत्र ले संचालित होवईया पी एम श्री योजना म छत्तीसगढ़ी भाषा म डिग्रीधारी बर बिसेस रूप ले पद सृजन, जम्मो सांसद के अंतर्गत एक बिसेस छत्तीसगढ़ी अनुवादक आदि के रूप म , आदि मांग ला महोदय के आघू रखे गिन, जेमा बिस्तारित रूप ले चर्चा होईन।
ये जम्मो बिसय म सांसद विजय बघेल हर अपन सहमती जताईन अउ अपन सकारात्मक प्रतिक्रिया दिस। सोसल मीडिया म जेन लोगन सांसद विजय बघेल जी ऊपर जोन भी गलत अउ तथ्यहीन, भ्रामक खबर जेन बगरात हावय, मैं ओखर खंडन करत हंव ।
